Халықтар мәдениеті [Мәтін] – Алматы: Аруна, – 2022. – 88 бет.

Бұл кітапта кескіндеме және мүсін өнері, музыка, драма және би өнерінің дамуы мен тарихы, адам мен табиғат жаратқан кереметтер туралы кеңінен сөз болады. Энциклопедиялар көркем суреттермен безендіріліп, қызықты деректер балаларға түсінікті және жеңіл тілде жазылған. Әр энциклопедия балалардың әр нәрсені білуге деген әуесқойлығын қанағаттандырып қана қоймай, табиғат құбылыстарының құпияларын жете түсіндіріп береді. Әлемдегі құбылыстар, жер бетіндегі тіршілік иелері – жануарлар, жәндіктер, ерте заманда тіршілік еткен динозаврлар жайындағы, сондай-ақ жер-жаһанның жаратылыс тарихы, адамзат тарихы мен адамзат жеткен жетістіктер туралы мәліметтер балаларды қызықтыратыны анық.

Алдар көсе [Мәтін] / Құраст. Г. Ақжолова. – Нұр-Сұлтан: Фолиант, 2021 – 144б.

Алдар көсе – қазақ ауыз әдебиетінің кейіпкері, ақылды айлакердің, зерделі қудың жиынтық бейнесі. Аңыз-әңгімелерде өзінің асқан айлакерлігі арқылы мұратына жетіп отырады.Алдар көсе қазақтың нанымында халықтың қамқоршысы ретінде белгілі. Оның әр қарекеті бай, менменсоқ, зорлықшыл адамдардың тәубесін есіне түсіріп, ақылмен алдап, ел алдында масқаралап, халық қошеметіне Жинақта Алдар туралы әңгімелер беріліп, суреттермен безендірілген. Оқуға тілі жеңіл, оқиғасы қызықты.

Оразбекұлы Қеңес Жарғақбас, Қылкеңірдек, Шибұттың Шым – Шытырық[Мәтін] Хикаялары. Әзіл-күлкілі сериялы ертегі. / – Алматы: «Орхон» Баспа үйі. – 2022. – 104 бет.

Халық ауыз әдебиетінде «Жарғақбас, Қылкеңірдек, Шибұт» атты алақандай шағын ертегі бар екенін жақсы білесіздер. Ертегіде ерекше жаратылған үш кейіпкер түнде ұрлыққа шығады да, біреуінің – басы, екіншісінің кеңірдегі жарылып, үшіншісінің аяғы сынып, өліп қалады. Неге екенін, басталмай жатып аяқталатын бұл ертегіні балалар жақсы көреді, кейіпкерлерінің сүретін салуға құмар... Сіздерге сүйіншілеп айтатын жайымыз, қолдарыңыздағы бұл кітап балаларды сол сүйікті кейіпкерлерімен қайта табысталғалы отыр. Яғни, автор әлгі ертегінің үш кейіпкерін жаңа сапада қайта тірілтіп, қызықты да күлдіргі хикаятқа айналдырыпты. Тілі жеңіл әрі жатық, халық аузындағы сирек кездесетін мың иірімді қанатты сөздер мен сөз тіркестерін молынан қамтыған, оқырманын үлкен, кіші демей баурап алатын шым-шытырық оқиғалы мазмұнды шығарма.

Алтынсарин Ы.Таза бұлақ [Мәтін] Алматы: «Мазмұндама» қоғамдық қоры, 2022.-160 б.

Қазақтан шыққан тұңғыш ағартушы Ыбырай Алтынсарин – қазақ жазба әдебиетінің негізін қалаушы тұлға. Жастардың сауатты, көзі ашық болғанын мұрат тұтып, осы бағытта еңбектеніп, қыруар іс атқарған ұлтымыздың біртуар перзенті. Қолыңыздағы жинаққа Ыбырай Алтынсариннің тағылымды әңгімелері мен мысалдары, өлеңдері мен ғибратты ертегілері топтастырылған. Оның шығармалары жас ұрпақты талапты, еңбекқор, төзімді, білімді, батыл болуға үндейді, адамгершілік пен арнамысты биік қоюға шақырады.

Сейдахмет, Ернұр. Жалқау құмырысқа [Мәтін] өлеңдер /Е. Сейдахмет. – Алматы: Алматы-Болашақ, 2022. – 160 б.: сур.

Ернұр Сейдахмет республикалық «Астана-Байтерек», «Балауса», халықаралық «Дарабоз» конкурстардың жеңімпазы аталған жас балалар ақыны. Жарық көрген «Жалқау құмырысқа» атты өлеңдер жинағы өзінің шебер жазулуымен кімді болса да бей-жай қалдырмасы анық. Тілі жатық, ойы үшкір, тәлім-тәрбиесі мол жинақты әр баланың сүйіп оқитынына сенімдіміз.

Имайо Әсел. Сиқырлы скрипканың ертегілері. [Мәтін] Сказки волшебной скрипки. Fairy tales of the magic violin / Ә. Имайо. – Алматы: «Аруна», 2023. - 68 б.

«Сиқырлы скрипканың ертегілері» деп аталатын бұл көркем суреттермен безендірілген ғажайып кітапта танымал музыкалық шығармалар бойынша «Арт Мирай» қазақтың музыкалық мұрасын сақтау қорының құрылтайшысы Әсел Имайонын қиялынан туындаған ертегілер берілген. Бұл жай ғана ертегілер жинақталған кітап емес. Бұл, расында да, сиқыршы кітап. Себебі осы кітапты қолына алған кішкентай оқырманымыз QR-код (мобильді құрылғының камерасы арқылы жылдам тану үшін ақпарат беретін екі өлшемді штрих-код) көмегімен музыкалық шығармаларды тыңдау мүмкіндігіне ие болады. Ол үшін QR кодын сканерлеп, сілтеме бойынша өту керек.

Мұратәлиев, Нұржан. Ғажайып жерге саяхат[Мәтін] хикаяттар / Н. Мұратәлиев. – Нұр-Сұлтан : Фолиант, 2022. – 184 б. – (Шытырман оқиғалар).

Талғампаз кітапсүйер қауымның назарына ұсынылып отырған бұл кітап — өзінің әдеби көркем тілімен, тартымды да қызғылықты оқиғаларымен, оқырман зердесіне түйетін терең ойлылығымен құнды. Автор қалам сілтеген өз тақырыбын өте жақсы меңгерген, алтын жіптей әдемі өрілген шытырман оқиғалардың жеңімпаз кейіпкерлері — бүгінгі өскелең ұрпаққа үлгі боларлықтай сүйкімді де сом тұлғалар. Жинаққа «Ғажайып жерге саяхат» және «Ақмойнақ» хикаяты еніп отыр.

Мусаев Уразбай Сусыма. [Мәтін] Балаларға арналған ертегілер. Алматы: «Балалар әдебиеті», 2022. - 160 б.

Үлкен де, кіші де көп нәрсені өмірден үйренеді өйткені күнделікті тіршілікте ағаттықтар мен кемістіктер жеткілікті ақ. Соларды талдап, жақсы мен жаманын ажырата білу әрбір пенденің басты борышы олай болмаған жағдайда қателіктен қателікке ұрыну қиын емес. Бұл көксеген мақсатқа жетуге кедергі жасайды. Міне сондықтан саналы жандар жиі жиіөзіне өзі іштей есеп беріп, кемшіліктерден қорытынды жасағаны, алдағы уақытта ондайды қайталаудан аулақ болуға талпынғаны жөн. Солай еткенде ғана кісілік қасиет біртіндеп қалыптаса бастайды. Өнегелі, өнерлі, өрелі болып өскен ананың қуанышына, мақтанышына бала ата айналады. Автор ертегілері де, осыны меңзейді

Рысбеков Б. Ізгілік туралы ертегі [Мәтін] – Алматы : Sardar G, 2024. - 112 б.

Бұл кітапқа енген әңгімелер мен ертегілер белгілі балалар жазушысы бердалі Рысбековтың соңғы жылдардағы жазған шығармалары. Шығармалар желісі ширақ, балаларды еліктіре алатындай көркем, әрі жеңіл тілде жазылған. Жаңа туындылардың дені бала психологиямын тап басып, олардың туған табиғатты танып білуге деген құштарлығын оятуға көп көмегін тигізеді деп ойлаймыз.

Бейсембек Тілеуғазы Ақылды піл [Мәтін] – Алматы : Sardar G, 2024. - 96 б.

Бұл проза жанрында жазған шығармалары. Туындыда автор аңдардың - піл мен қасқырлардың мінездері мен ойлау қабілеттері туралы баяндайды. Шығарманың тілі жатық, балалардың түсінігіне сай, жеңіл оқылады.

Әлжантегі Төкен Базарлық: [Мәтін] – Алматы : Sardar G, 2024. -80 б.

Өз шығармаларында автор жас өскендер бойына адамгершілік пен айналасына деген мейірім шапағатын сіңіруге ден қояды.

Ермек Сахариев «Балдәуренді бала шақ», бұл жыр жинағына Отан, туған жер, қоғам, ұлттық мүдде, халықтық салт-дәстүр, ата-ана және достық тақырыбындағы бас-аяғы жүп-жұмыр, ойлы да сырлы, назды да мұңды жырлары топтастырылған.

📚Бейбіт Қойшыбаев «Ғажайып шақ», бұл кітабына мектеп оқушыларының тыныс-тіршілігін арқау еткен шағын хикаяттар мен әңгімелер еніп отыр. Жинақтағы туындылар жас ұландардың оқудағы, қоғамдық-пайдалы жұмыстардағы ізденістері, достық қарым-қатынастары жайынан сыр шертеді. Сондай-ақ олардың ғылыми-техникалық фантастика көкжиегінде самғаған қиялдарымен таныстырады.

Маркиза Базарбайқызы «Батыр - елдің жүрегі».

Автор ерлік дастандардың ішінде елге есімі мен ерлігі кең қанат жая қоймаған батырларды әдейі таңдағандай әсер қалдырады. Батырлардың ерлікке толы өмірі тәуелсіздік жолындағы күресті бейнелейді.

Алтын қаланың құпиясы / Ертай Айғалиұлы. – Алматы: «Sardar G», 2024.- 392 бет.

Жазушылар одағының мүшесі Ертай Айғалиұлының «Алтын қаланың құпиясы» атты кітабына 5 хикаяты және әңгімелері еніп отыр. Кітап балалар мен жасөспірімдерге арналғанмен, ондағы шығармалардың өзектілігі, шытырман да қилы-қилы оқиғаларға бай болуы ересектерді де өзіне еріксіз тартатыны сөзсіз. «Халық жауының балалары» кішкентай романында Желтоқсан көтерілісі қаһарманының отбасының тағдыры туралы сыр шертсе, «Шекара тасын жарып шыққан гүл» эссе-хикаяты Тәуелсіздік үшін күресте жандарын пида еткен ата-бабаларымыздың ерліктері туралы баяндайды. «Алтын қаланың құпиясы» хикаятындағы оқиға Цин империясының түркі қаласын басып алуы жөніндегі аңыздық оқиға кешегі Кеңес империясының қазақ халқына зұлымдығымен сабақтасады. Тайтерідегі картамен ауғандықтардың алтын қазынаны іздеп келуі, балаларымыздың оны қорғауы...бәрі-бәрі оқырманды ынтықтыра отырып бей-жай қалдырмайды. «Алтын қаланың құпиясы», «Шиебөрілері жылаған Сахарадағы жекпе-жек», «Қара бала, қасқыр-адамдар және мұз сарай», «Ақбарыс, американ және Аспантау үңгіріндегі қазына», «Бокс қолғабыңды жоғалтпа, баурым!» хикаяттары және әңгімелеріндегі қызықты оқиғалар, онда көтерілген көкейтесті мәселелер балаларды Отаншылдыққа, жерін, елін, тарихын сүюге тәрбиелейді. Кітап қалың оқырман көзайымына айналады деп сенеміз.

Әжемнің ертегілері (Мама Қаздың айтқандарынан). - Алматы: «Мерекенің баспалар үйі» ЖШС, Mereke baspasy, 2024. – 232 бет.: суретті.

Француздың әйгілі ертегішісі, классик жазушысы Шарль Перроның ертегілерін аудармашы Мариям Арынова француз тілінен тікелей қазақ тіліне аударып шықты. Француз тілін еркін меңгерген кәсіби адармашы өз ана тілі – қазақ тілін де терең біледі. Сондықтан да Шарль Перроның қазақ тіліне аударылған ертегілері қазақ балаларының көңілінен шығады деген үміттеміз. Ш.Перро әлемге «Мама Қаздың ертегілері» атты шығармасымен танымал. Бұл ертегі ең алғаш 1697 жылы жарық көрген. Жинақ 9 ертегіден тұрады. Олар: «Есек терісін жамылған қыз», «Ұйқыдағы ару», «Қызыл желекті қыз», «Көксақал», «Етік киген мысық», «Сиқырлы әйелдің сыйы», «Күлжайна», «Айдарлы Рике», «Шынашақ».

Күміс қоңырау / Құрмет Сақай. - Алматы: ЖК «Тарпанбаева А.Ш.», 2024. – 168 бет.

Қазақстан композиторлар одағының мүшесі, талантты композитор Ұүрмет Сақайдың есемі бұл күндері республикамызға кеңінен таныс. Ол екі жүзден астам әндер мен хорлардың, бес кантатаның, отыздан астам би музыкасының, бір музыкалық комедияның авторы. Назарларыңызға ұсынылып отырған «Күміс қоңырау» атты балаларға арналған әндер жинағы Құрмет Сақайдың екінші кітабы. Кітапқа елу бір ән іріктеліп алынған, композиторы Құрметтің өзі болғанымен өлең текстерінің иелері сан алуан. Жобасы, балалар әдебиетін игеру қанша күрделі де құрметті болса, сол балалардың айтуына орайлы, мән-мағынасы ұғынықты, түсінуге жеңіл, ән жазу одан да ауыр әрі абыройлы іс екендігі даусыз. Құрметтің балдырғандар жүрек сезімін дөп басқан күміс қоңыраудың сыңғырындай сұлу саздары жалпы қазақ музыка өнеріне қосылған құндылығымен қуантады.

Барфилд М. Жабайы жануарлар әлемі комикс / Майк Барфилд; (ағыл. тіл. ауд. Е.Бауыржанұлы). – Астана: Фолиант, 2024. – 96 бет.

Балақай, жабайы жануарлардың құпияға толы тылсым тіршілігімен танысуға дайын бол! Қолыңдағы комикс-кітаптың беттерінен ғаламшарымыздағы түрлі тіршілік орталарын мекендейтін аю, балық, бақа, маймыл, сурикат, кесіртке, жарғанат сияқты алуан түрлі аңқұс пен жәндіктерді кездестіресің. Титтей өрмекшіден әлемдегі ең алып тіршілік иесі – көк китке дейін жорғалайтың, өрмелейтін, ұшатын және жүзетін жануарлар жасырын сырларын қызылды-жасылды суреттер арқылы паш етеді.

Жекейұыы Зейнел Намыс оты -Алматы: «Sardar G», 2024.-200 бет.

Қазақ халқының – сүйегі асыл! Рухы мықты қазақтың небір біртуар перзенттерінің адам таңғаларық ерліктері аңыз болып ел аузында жүр. Қолдарыңыздағы «Намыс оты» атты жинақ арқылы бұла күштері Жанартау болып атылған талай жанның талайлы тағдырларымен таныса аласыздар. Жұмыр жердің ең беделді жарыстарында ұлт намысын жанын сала қорғап, даңқ тұғырына көтерілген әр спортшының қиын да қызықты жолы – жас ұрпаққа үлкен өнеге. Жинақтағы екі қолы иығынан жоқ, қайсар мінезді, асқақ рухты, мұзжарғыштай жүйткіген керемет жүзгіштің тағдыры кім-кімді де таңдай қақтырары даусыз. Екі көзі көрмейтін шахматшының әлем чемпионын да тұқырта жеңген өр мінезі, тектілігі кімге де болса керемет үлгі. Екі аяғынан айырылса да мүгедектер арбасымен 42 шақырымдық марафонда топ жарып жүрген жас жігіттің қайтпас қайсарлығы, асқақ рухы жаныңды тебірентеді. Жасы жетпістің бел ортасына келсе де жұмыр жердің айтулы марафондарында желдей есіп жүлде алып жүрген қарияның қайратына қайран қаласыз. Жетпістен асса да бойдағы қуат тұла бойын кернеп, кір тастарын аспанға атып әлемдік жарыстарда топ жарқан екінші бір қария тағдыры – зінше бір тағылымды хикая. Жинақтағы жандарын шүберекке түйіп, тағдырымен тайталаса, арпалыса қияға ұмтылған осындай жандардың өмірі – бүгінгі жастарға керемет үлгі. Жас ұрпақты ерекше төзімге шақыратын, намыстарын шар қайраққа қайрайтын, ұлтты сүюге тәрбиелейтін туындылар. Жинақтағы әр кейіпкер тағдыры оқырманды бей-жай қалдырмасы анық. Тағылымы мол еңбек. Кітап бүгінгі жас ұрпаққа арналған.